GELA ALTERNATIBOA ITURRAMA

Desberdintasun eta aniztasunenen aberastasuna aldarrikatzen, martxoaren 21ean eta apirilaren 2an Down sindromearen eta autismoaren nazioarteko egunak ospatu genituen. Muralak prestatu genituen ilusio handiz institutuko pasabidean erakusgai egoteko.

  Martxoaren 31n, Kultur Astea ospatu genuen! Egun berezi honetan, Saharako kulturan murgildu ginen bete-betean: bertako arropa tradizionalak probatzeko aukera izan genuen eta, bide batez, afrikar dantzak ikasi genituen taldean. Ritmoa eta kolorea ez ziren falta izan gurean!

Gure eskolako sukaldeak ez du etenik! 3.E-koen eta 3.D-koen bisitaren ondoren, oraingoan 3.B taldeko ikasleen txanda izan da. Oraingo honetan, errezeta erabat aldatu eta txokolatezko garrotito ikaragarriak prestatu ditugu denon artean! Giro ederrean aritu gara lanean: orea moztu, txokolatea txertatu eta garrotitoak banan-banan biltzen. Azkenean, gure lanaren fruitua dastatu dugu eta, egia esan, ikaragarri onak zeuden . Goiz ederra pasa dugu berriro ere sukaldean; esperientzia bikaina taldearentzat!